Arrestohen tre serbë duke blerë uniforma e emblema të UÇK-së në Prishtinë
Arrestohen tre serbë duke blerë uniforma e emblema të UÇK-së në Prishtinë
Arrestohen tre serbë duke blerë uniforma e emblema të UÇK-së në Prishtinë
26/02/2022
Burime brenda institucioneve raportojnë se serbët së fundmi kanë përgatitur një plan për të zbatuar disa video kinse disa ushtarë të veshur me uniforma të UÇK-së, janë gati për të marrë veriun e Kosovës.
Policia e Kosovës në mbrëmje ka arrestuar tre shtetasit serbë D. Dolasevic, V.Jankoviq dhe D. Dolasevic, të cilët kishin blerë emblemat e UÇK-së në një nga lokalet në Prishtinë (të njohura për redaksinë) dhe po planifikonin të blinin disa uniforma në një lokal tjetër në Prishtinë.
Burime brenda institucioneve të sigurisë bëjnë të ditur se të arrestuarve përveç saj iu gjet edhe një sasi e konsiderueshme parash. Të njëjtat burime raportojnë se serbët së fundmi kanë përgatitur një plan për të zbatuar disa video kinse disa ushtarë të veshur me uniforma të UÇK-së, janë gati për të marrë veriun e Kosovës.
Sipas këtyre burimeve, Serbia përmes kësaj taktike po planifikon që të jap pretekst para institucioneve ndërkombëtare për të ndërhyrë ushtarakisht, kinse për të mbrojtur shtetasit serbë të Republikës së Kosovës.
Para disa ditësh në mediat vendore, u raportua se serbët kanë blerë uniforma dhe aksesorë ushtarak në një lokal në Prishtinë.
Nuk dihet nëse ka qenë lokali i njëjtë apo ndonjë lokal tjetër. Rikujtojmë se serbët janë mjeshtër të inskenimit të situatave të tilla, sikur rasti i njohur “Panda”, ku pushteti i Millosheviqit në dhjetor të vitit 1998, kishin vrarë fëmijët vet në një lokal në Pejë të quajtur “Panda”, duke ua lënë fajin shqiptarëve. Sulmuesit kishin veshur uniforma me embleme të UÇK-së gjatë aktit të sulmit, dhe i njëjti sulm i ishte veshur UÇK për ta etiketuar si organizatë terroriste. KP