Budina: – Prokuroria të hetojë dhunën e 17 majit, ose qytetarët do mbrojnë veten…

20 maji 2020

Regjisori Robert Budina tha sot në fjalën e tij në protestën e dytë për shembjen e Teatrit se Aleanca për Mbrojtjen e tij nuk do të tërhiqet. “Ne nuk do tërhiqemi se jemi kockë e fortë”.

Budina i ka bërë thirrje drejtësisë të zbardhë dhunën policore mbi artistët dhe qytetarët.

“Kërkojmë nga drejtësia të zbardhë sulmin terrorist që u krye mbi artistët e qytetarët e intelektualët, kemi të gjitha pamjet si tërhiqen zvarrë intelektualët se doni të mbronin kulturën e dinjitetin tuaj”.

 “Nëse nuk ka një reagim , qytetarët legjitimohen të mbrojnë veten e pasuritë e tyre me të gjitha format”, tha Budina, teksa lexoi një deklaratë të Aleancës për Mbrojtjen e Teatrit.

“Kryeministri tha bëj çfarë të dua se i kam votat, por a i ka votat? Ja treguam 2 vjet e 3 muaj edhe e çuam në dëshpërim total që të kryente akt terrorist, e shembi Teatrin për të na thënë se është i fuqishëm, duhet të qëndrojmë gjatë të fitojmë demokracinë”.

Sipas Budinës, “faktori ndërkombëtar po reagon me shpejtësi të skëterrshme për atë që po ndodh në Shqipëri, moto jonë është jo “ik ik”, po “eja eja”, ai që duhet të ikë duhet të iki vetë”.

“Ne akuzojmë direkt kryeministrin Edi Rama, kryetarin e nenkryetarin e Bashkise, drejtorin e Teatrit Kombetar, keshilltarin e Bashkise, ministren e Kulturës që me veprimet e mosveprimet e tyre kanë provokuar ate akt dhune në 17 maj. Një hap i parë, është ndalimi i çdo punimi në truallin e Teatrit Kombëtar, kërkesa nga ana e Prokurorisë, e sigurimit të proves, e shpallja e procedimit penal për të gjithë të përfshirët, nëse s’ka reagim të shpejtë nga Prokuroria, do jemi ne që do kërkojmë me forcë. Ju bëj thirrje autoriteteve të drejtësisë ndërkombëtare të reagojnë, vendi po rrëshqet në situatë pasigurie”, tha regjisori Edmond Budina.

Gazeta Mapo