11 Mars 2023

Gazeta Prestigjoze Britanike Daily Mail ka zbuluar se agjentët shqiptarë të shërbimit sekret informativ, të financuar nga Britania e Madhe, u kanë shitur informacione një grupi kriminal. Bëhet fjalë për 2 agjentë të grupit “Merlin”, e krijuar brenda Shërbimit sekret të Shqipërisë, i njohur si SHISH në vitin 2000, kohë kur bandit shqiptare kanë nisur të veprojnë në britaninë e madhe.

Agjentët e saj u trajnuan nga Britania e Madhe dhe aktiviteti i departamentit monitorohet nga një oficer me bazë në ambasadën britanike në Tiranë i lidhur me inteligjencën në Londër. Ekipi “Merlin” ishte aq i fshehtë, saqë edhe ekzistenca e tij mbeti e paraportuar për 16 vjet, deri në vrasjen e Denis Kasajt, anëtar i familjes së krimit të klanit Kastrati, i cili u qëllua në një Mercedes nga një breshëri plumbash të dala nga një automatik çek “Skorpion” në 2016.

Vrasësi me pagesë Ilir Memushaj u dënua me 14 vjet burg në vitin 2017  dhe u tha se ekzektumi i Kasajt, ishte kryer me kërkesë të një klani rival kriminal, Binjaku, për shkak të një konflikti mes 2 klaneve. Mendohet se ekzekutimi ka ardhur për shkak të konflikteve të drogës për shkak të 2 familjen kishin rrjete të mëdha droge në të gjithë Evropën, duke përfshirë Britaninë e Madhe.

Si u zbulua që agjentët kanë shitur informacione
Celulari “Blackberry” i personit të që ka kryer ekzekutimin kishte 12 fotografi të thirrjeve telefonike të transkriptuara të shënuara ‘sekret’, të marra nga një agjent i ekipit “Merlin” përmes operacioneve të përgjimit. Gjatë këtyre telefonatave, vrasësit zbuluan detaje të Mercedesit, pasagjerëve të tij dhe saktësisht se ku do të ishte në momentin e të shtënave. Gjykatësi zbuloi se informacioni i marrë nga klani Binjkau kishte ardhur nga një agjent në shërbim të Merlin.

Në aktgjykim thuhej: “Është vërtetuar se të dhënat e marra nga pajisja Blackberry… janë të njëjta me ato të përpiluara nga organet e ndjekjes penale për transkriptimin e bisedave telefonike që rezultojnë nga përgjimet”.

Për këtë ka folur edhe denoncuesi i cili punon për SHISH.

“Informacionet nga departamenti i tyre u shiteshin kriminelëve, përgjimet e paligjshme telefonike u bënë pa miratimin e prokurorëve, me informacionin e marrë në USB flash drives ose si foto,” tha denoncuesi. “Mendoj se informacionet ende rrjedhin. Nëse kjo nuk do të ndodhte, ne mund të shihnim më shumë organizata kriminale të shpërbëra dhe më shumë pasuri të sekuestruara.’

Ai tha se puna për grupin Merlin është një ‘punë ëndrrash’ për agjentët shqiptarë për shkak të aksesit të saj të pakrahasueshëm në informacion dhe financimit dhe mbështetjes së gjerë të ofruar nga MB.

“Ka një pagë të mirë në krahasim me departamentet e tjera dhe makinat e reja, duke përfshirë Audit, u zgjodhën nga kreu i Merlin, me faturat e paguara nga ambasada britanike”, tha ai.

Agjencia ka një drejtor dhe katër inspektorë që punojnë me agjentë të tjerë të SHISH-it kur kanë nevojë për mbështetje për një hetim.

Një tjetër ish-oficer i SHISH tha: ‘Drejtoria Merlin ka qenë nën kujdesin e vazhdueshëm të Ambasadës së Mbretërisë së Bashkuar në Tiranë. Në një rast kur drejtori i SHISH-it donte të zëvendësonte drejtorin e Merlin-it, ambasadori i Mbretërisë së Bashkuar erdhi disa herë në selinë e SHISH-it duke kundërshtuar vendimin. Ai nuk u zëvendësua.’

Ai theksoi se oficerët e tjerë të Merlin ishin punëtorë dhe të ndershëm dhe kishin kryer operacione të suksesshme veçanërisht kundër trafikut të drogës. Zyra e Jashtme tha se nuk komentoi mbi inteligjencën. Një zëdhënës i SHISH tha se agjencia po ‘konsideronte’ një përgjigje dhe më pas nuk dha komente të mëtejshme.

Gazeta Sot