David Lega nxjerr bllof propagandën e Rilindjes: – Nuk ka hapje negociatash pa plotësim të kushteve
David Lega nxjerr bllof propagandën e Rilindjes: – Nuk ka hapje negociatash pa plotësim të kushteve
5 mars 2021
Mediat pranë qeverisë së Edi Ramës, raportuan me të madhe paraditen e sotme se Parlamenti Europian, kishte rekomanduar hapjen e negociatave me Shqipërinë e Maqedoninë.
Qartësisht një deklaratë pro qeverisë Rama dhe mediat nuk vonuan që ta paraqisnin.
Por nuk kanë kaluar shumë orë dhe deklarata u korrigjua.
Është raporteri për Shqipërinë në grupimin e Partive Popullore Europiane, ai i cili e ka bërë publike në Twitter, korrigjimin e deklaratës.
Reagimi në Twitter i David Legea:
‘KORRIGJIM
Deklarata për shtyp e Parlamentit Evropian për marrëdhëniet PE-Shqipëri thotë se ne mbështesim mbledhjen për Konferencën e Parë Ndërqeveritare dhe nisjen pa vonesa të mëtejshme të negociatave të anëtarësimit.
POR ka harruar të përmendë ‘…pas përmbushjes së plotë të kushteve të vendosura nga Këshilli i BE’.
Ky është një gabim i dukshëm, tepër i rëndësishëm, pasi kushtëzimi është jetësor në këtë kontekst. Deklarata për shtyp do të korrigjohet, me kërkesën time’.
