Delegatët dynden në stadiumin ‘Air Albania’, ja si identifikohen përmes barkodit

11 Dhkjetor 2021

Sali Berisha zhvillon të shtunën e 11 dhjetorit Kuvendin Kombëtar të konfirmuar, sipas tij, nga më shumë se 4200 delegatë të PD-së që përbëjnë edhe më shumë se gjysmën e anëtarëve të Kuvendit

Delegatët dhe demokratët e ftuar, kanë mbërritur para orës 10:00 në stadiumin “Air Albania”, ku ka nisur edhe hyrja për në ambientet ku do të zhvillohet Kuvendi.

Gazetari i Panorama.al ka siguruar pamje nga momentet kur delegatët hyjnë në radhë një nga një duke skanuar dokumentin që mbajnë në duar me barkod identifikimi.

Personat përgjegjës për identifikimin e dokumenteve të delegatëve mbajnë në dorë telefonin përmes të cilin skanojnë barkodin dhe më pas lejojnë hyrjen brenda stadiumit.

Ndërkohë që një televizor i vendosur në ambientet e stadiumit shfaq numrin e delegatëve që rritet pasi ata hyjnë brenda.

Ajo që vihet re është se një pjesë e delegatëve mbajnë maska dhe një pjesë tjetër jo.

Gazeta Panorama