![](https://i1.wp.com/www.shqiperia.com/blog/wp-content/uploads/2024/07/Edi-Rama-1-850x493-1.jpg?fit=850%2C493&ssl=1)
Dumani në Kuvend: – Provat dhe ligji janë vija e kuqe, inceneratori i Tiranë korrupsion intelektual
15 Korrik 2024
Ky është mesazhi që kreu i SPAK, Altin Dumani la në Kuvend, pasi u pyet për vijat e kuqe në hetimin e zyrtarëve e politikanëve të lartë në çështjet e konsideruara të bujshme.
“Krimet e natyrës korruptive janë më të vështirat për tu hetuar.”
Kritikave të opozitës për vonesa në hetimin e incineratorit të Tiranës, apo rezultateve për të ashtuquajturën Dosje e 5 drejtorëve u dha këtë përgjigje.
“Është shumë kompleks, vetëm prokurori që merret me çështjen e di.”
Dumani tha se tek incineratorët ka atë që ai e quajti korrupsion Intelektual.
“Është një krim intelektual dhe intelektuali di si ta fshehë krimin.”
Mikrokreditë dhe skandali me Fondet e IPARD ishin të tjera çështje për të cilat deputetët e opozitës kërkuan përgjigje nga kreu i Prokurorisë së Posaçme.
“Është kjo është çështje në hetim dhe nuk do të japim detaje. Ka një çështje në hetim për fondet IPARD. Kemi bërë me dije ecurinë e hetimit herë pas herë.”
I pyetur për sulmet politike ndaj tij personalisht dhe prokurorëve të tjerë, kreu i SPAK kujtoi qëllimin për të cilin është krijuar Prokuroria e Posaçme.
“Nuk kam asnjë reagim dhe kështu e kam vlerësuar që t’i qasem kësaj fyerje dhe sulmeve që bëhen ndaj meje. Do të hetojmë çështje me prova. Mbrojtja ime e vetëm është ligji dhe kushtetuta.”
Deputetët demokratë ngritën akuza dhe për çështjen e kryetarit të PD-së, Sali Berisha duke e cilësuar të burgosur politik, për të cilat Dumani theksoi vendimin e gjykatës.
Nga OraNews