3 Prill 2025

Nga Gazeta Sot

Që nga dita e parë e ardhjes në pushtet, kryeministri Edi Rama ka mbetur një figurë kontradiktore në politikën shqiptare. Ai nuk ka fituar thjesht zgjedhje, por ka ndërthurur politikën me ndikimin e fortë të grupeve të errëta të shoqërisë. Në çdo fushatë, pas premtimeve dhe sloganeve fshihej një realitet i pakundërshtueshëm: përkrahja e bandave dhe figurave të errëta të botës së krimit, të cilat jo vetëm e ndihmuan të vinte në pushtet, por edhe e mbajnë aty. Kjo mbështetje nuk erdhi pa kosto. Mjafton të shohim ndikimin e drejtpërdrejtë të oligarkëve dhe eksponentëve kriminalë në qeverisje, tenderat e dhënë me PPP, dhe favorizimin e grupeve të caktuara në këmbim të përfitimeve elektorale. Krimi i organizuar nuk është thjesht një problem që policia duhet ta luftojë, por një partner strategjik i qeverisjes Rama. Një nga ata që e denoncoi këtë fenomen ishte vetë Fatos Nano, ish-kryeministri dhe lideri historik i së majtës, i cili në vitin 2021 doli me akuza të forta kundër Ramës, duke denoncuar lidhjet e tij të ngushta me botën e krimit. Ai pranoi se ka marrë mesazhe kërcënuese për jetën e tij, të cilat e paralajmëronin se kush prek fatin politik të Ramës, e paguan me jetë. “Të kërcënoni Ramën në fatin e tij politik do ta paguani me jetë,” citon Nano një nga mesazhet që ka marrë nga persona që ai i përshkruan si pjesë e rrethit të ngushtë të kryeministrit. Dhe nuk bëhet fjalë për ca të rinj me shikime të egra që zbatojnë urdhra pa kuptuar pasojat; sipas Nanos, në lojë ishin emra të njohur të krimit që qëndronin në hije, por që diktojnë rregullat e pushtetit.

Pjesë nga intervista e Fatos Nanons

Fatos Nano: “Më lejoni të them që më vjen shumë keq, më dhimbset që aventurizmi i këtij masoni të pasuruar, Edvin Ramës në Shqipëri dhe në PS nuk po ndalet dot nga askush. Si është e mundur që askush nuk po i del përballë këtij njeriu. Në qoftë se kjo është e vërtetë unë jam këtu për të qëndruar përballë këtij aventurieri në bashki, në presidencë në çfarëdo niveli tjetër, në cilindo të jetë e nevojshme për të normalizuar situatën në Shqipëri.”

Blendi Fevziu: “Duke konsideruar dhe një kandidim të mundshëm  për kryetar të bashkisë së Tiranës në zgjedhjet e pas një viti?”

Fatos Nano: “Është krejtësisht e hapur edhe kjo mundësi dhe do të jetë pjesë organike e skemës një me politikën 3 vitet e ardhshme.”

Një tjetër akuzë ndaj Ramës, të cilën Nano e quajti mason të kamur ishte ajo për bashkëpunimin e tij me njerëz të botë së krimit.

Fatos Nano: “Një numër i konsiderueshëm personash në kërkim kanë qenë në stafet e ngushta operative të zotit Rama në fushatën e 28 qershorit.”

Blendi Fevziu: “Kush janë këta persona në kërkim?”

Fatos Nano: “Kam folur me organet përkatëse sepse një javë përpara zgjedhjeve në orët e vona të asaj nate, kam marr mesazhe kërcënuese për jetën nga persona të tillë.  Po vazhduat që ju të dy të bukurit e shejtanit ishte mesazhi. Të kërcënoni Ramën në fatin e tij politik do ta paguani me jetë, këtë gjë e kam denoncuar në organet përkatëse dhe me të gjitha kontaktet që nuk më mungojnë, sepse një politikan karriere nuk është një jetim në mes të xhunglës. Kam mundur të verifikoj se nga vinin dhe si përdoreshin këto kërcënime dhe nga kush bëheshin dhe sigurisht kam marrë masat e mia për tu mbrojtur.”

Blendi Fevziu: “Dhe ishin njerëz pranë Ramës?”

Fatos Nano: “Pranë Ramës, persona në kërkim madje nga ata më të famshmit që janë shfaqur dhe në incidentet e kohëve të fundit.”

Përsa u përket zgjedhjeve Nano tha se ato u humbën nga e majta dhe se përgjegjës kryesor për këtë humbje është Edi Rama. Në këtë kontekst Nano u bëri thirrje të gjithë socialistëve ti thonë jo bojkotit të Edi Ramës.

Fatos Nano: “Do t’i bëj thirrje që sonte të gjithë anëtarëve të Partisë Socialiste, që në 26 shtator mbi fletët e lakorit që ka gatuar Rama për rizgjedhjen kryetar, me gjithë respektin që kam për Maqon. Lakrori dhe Maqo janë bashkuar aksidentalisht tek i njëjti njeri. Unë po flas lakrori është që ka gatuar Rama, me gjithë  respektin që kam për Maqon, të shënojnë më germa kapitale jo bojkotit.”…