Arte Kultura Shoqerore Trashegimi Kulturore

Ekspozohen për herë të parë 100 vepra të Bujar Zajmit, e bija: – Është një artist ende i pazbuluar

Kurt Farka on July 16, 2022

Ekspozite Bujar Zajmi

14 Korrik 2022

Nga Anila Dedaj

Në Galerinë e Arteve në Tiranë ekspozohen për herë të parë 100 vepra të piktorit grafist Bujar Zajmi. E bija, artistja Anila Zajmi e cili i kuron punimet, rrëfen ekspozitën, veprën e fshehtë të të atit si dhe shqetësimin e tij mbi artin.

bujar zajmi

ron ekspozitën, me veprat që piktori i zgjedh vetë dhe krijohet narrativa e një krijimtarie që shtrihet në mbi 6 dekada… duke nisur prej fundit të viteve ’50. Nga ajo kohë, siç rrëfen artistja veprat që ai i mbajti të fshehta, janë të shumta e arrijnë në mbi 7000 mijë punime…

“Veprat e babit kanë qenë të fshehura, sepse kishte një drejtim krejt të kundërt me regjimin, ideologjinë e atëhershme. Kështu që babi me koshiencë ka bërë punë të vogla të cilat ishin të mundura të fshiheshin në dosje, që të mos i shikonin të tjerët”, thotë artistja Anila Zajmi.

Ekspozite Bujar Zajmi

Grafika, kolazhe, piktura në vaj e akrilik, teknikat e përdorura nga piktori janë të larmishme, e në to spikat stili avangard që e karakterizon… Një sërë tematikash, ku ngrënë krye detaje të etnografisë, portrete e personazhe, largimi nga esenca e jetës prej tërheqjes së teknologjisë, ironia për njerëzit e pushtetit me kularë, e shqetësimi i tij mbi artin… ku lëndën e parë e merr në Shqipërinë e tij.“Megjithëse unë këtu jam përpjekur të mos zgjedh vepra që janë shumë të lidhura me natyrën, këndvështrimin e tij patriotik, përsa i përket jetës shqiptare, historisë etj., sërish ajo del në pah, sepse ai e ka në ADN këtë pjesë dhe ajo del në forma të ndryshme. Por, kryesorja është se ai i këndon jetës, njeriut e optimizmit”, shton Zajmi.