![](https://i0.wp.com/www.shqiperia.com/blog/wp-content/uploads/2024/07/640-0-ermonela-jaho-1720527949.jpg?fit=640%2C427&ssl=1)
Ermonela Jaho rikthehet me koncert në TKOB
10 Korrik 2024
Sopranoja Ermonela Jaho rikthehet në skenën e Teatrit Kombëtar të Operës dhe Baletit. Në një publikim në rrjetet sociale, TKOB shkruan: “Krenaria jonë në çdo skenë ndërkombëtare lirike, Ermonela Jaho, pasi ka “shtegtuar” në mbarë botën, rikthehet aty ku nisi gjithçka: në Shqipëri”.
Koncerti i datës 4 gusht do të sjellë në skenë sopranon shqiptare me famë ndërkombëtare, si dhe tenorin amerikan Charles Castronovo.
TKOB shprehet se ky koncert që vjen në bashkëprodhim me Prepost Albania, nuk duhet humbur.
“Koncerti ka edhe mbështetjen e institucioneve të rëndësishme në vend dhe partnerëve të TKOB nga biznesi”, thuhet ndër të tjera nga TKOB në faqen e tij.