![](https://i0.wp.com/www.shqiperia.com/blog/wp-content/uploads/2020/11/korona-kovid-19-virus-4-1.jpg?fit=862%2C455&ssl=1)
“Është më ngjitës”/ Deklarata e fortë nga Gjermania: Virusi që po përhapet tani nuk është i Wuhanit, por i Italisë
“Është më ngjitës”/ Deklarata e fortë nga Gjermania: Virusi që po përhapet tani nuk është i Wuhanit, por i Italisë
28 NËNTOR 2020
“Virusi që po përhapet në të gjithë botën tani nuk është ai i Wuhanit, por i Italisë Veriore ”. Kjo është deklarata e fortë e virologut të mirënjohur gjerman, Alexander Kekulé.
Gjatë emisionit në rrjetin gjerman të ZDF, drejtori i Institutit të Mikrobiologjisë Mjekësore të Universitetit Halle, deklaroi se virusi aktualisht në qarkullim është në të vërtetë një variant që është shfaqur në Italinë Veriore.
Sipas virologut, varianti i ri është më ngjitës se ai i Wuhan.
“Aktualisht 99.5% e të gjitha rasteve globale mund të gjurmohen gjenetikisht në virusin e Italisë Veriore. Edhe rastet aktuale në Kinë janë importuar nga Evropa dhe pjesa tjetër e botës”, tha mes të tjerash Kekulë.
“Dallimi është se në Wuhan nuk e dinin se me çfarë kishin të bënin, ndërsa paralajmërimet nga Kina kishin mbërritur në Italinë Veriore, por u injoruan për një kohë të gjatë”, thotë virologu.
“Në Kinë, nga ana tjetër, virusi do të ishte vënë nën kontroll duke përdorur metoda që ne nuk i pranojmë këtu”, shtoi ai.
Gazeta Shqip