peshku që “ecën me duar”

21 Shkurt 2023

Në thellësitë e errëta dhe me baltë të lumit Derwent të Tasmanisë, është fotografuar një lloj peshku i veçantë i cili është gjendur duke ecur e jo duke notuar përgjatë shtratit të lumit. Peshku i cili lëviz duke përdorur krahët e parëm që duken si duar fshihet në thellësitë më të errëta, gati për t’u hedhur mbi çdo lloj gjahu që tërheq.

Ngjyra e tij kremoze dhe njollat kafe të errëta dhe portokalli përzihen me dyshemenë me rërë, duke e bërë peshkun të vështirë për t’u dalluar dhe akoma më të vështirë për t’u fotografuar, kjo vjen për faktin se këto specie janë shumë të rrezikuara për t’u zhdukur.

Por fotografi francez Nicolas Remy ishte i vendosur ta shihte vetë peshkun e pakapshëm. Në vitin 2022, ai udhëtoi nga baza e tij në Sydney në shtetin më të ftohtë të Australisë dhe u zhyt në ujërat e Derwent, të cilat ishin 11 gradë Celsius të ftohtë.

Një orë më vonë, ai vuri re peshkun e parë, por me shpërthimin e blicit të kamerës së tij ai u zhduk. Gjithçka që fotografia kishte kapur ishte një re balte. Remy e kuptoi se do t’i duhej të përmirësonte teknikën e tij për këtë specie dhe kaloi tre ditë rresht dhe gjithsej nëntë orë në lumë.Përfundimisht, pasi zotëroi një teknikë të veçantë noti me rrokullisjet e tij që nuk e trazonin baltën, dhe duke përdorur një lloj tjetër pajisjeje ndriçimi, Remy shkrepi foton e tij, një pamje nga afër të peshkut karizmatik, me “duar”. Fotografia fitoi vendin e parë në kategorinë e ujërave të ftohtë të konkursit Underwater Photography Guide’s Ocean Art 2022.

Remy shpreson se fotografitë e tij do të ndihmojnë për të hedhur dritë mbi këtë specie të rrallë që shumica e njerëzve e njohin dhe kujdesen pak për të.