22 Shtator 2024

Një pjesë muzikore e pazbuluar e shkruar nga Wolfgang Amadeus Mozart kur ishte adoleshent, është gjetur në një bibliotekë në Gjermani.

E titulluar “Serenata në C” – është kompozuar në mesin e fundit të viteve 1760. Përbëhet nga shtatë lëvizje në miniaturë për një treshe me tela që zgjat rreth 12 minuta.

Studiuesit e zbuluan dorëshkrimin në bibliotekën muzikore të qytetit ndërsa përpilonin botimin e fundit të katalogut Kochel, arkivin e veprave muzikore të Mozartit.

Dorëshkrimi i panënshkruar nuk është shkruar nga vetë Mozarti, por besohet se është një kopje e bërë rreth vitit 1780. Ai përbëhet nga bojë kafe e errët në letër të punuar me dorë me ngjyrë të bardhë mesatare dhe pjesët janë të lidhura individualisht.

Muzika do të interpretohet në Operën e Lajpcigut pas debutimit në prezantimin e katalogut të ri Kochel në Salzburg. I lindur në vitin 1756, Mozart u konsiderua një fëmijë mrekulli që filloi të kompozonte në moshën pesë vjeçare.

Pavarësisht se vdiq në moshën 35-vjeçare, ai konsiderohet si një nga kompozitorët më të mëdhenj në histori dhe krijoi më shumë se 800 vepra gjatë jetës së tij.

Nga Siklajda Shorja