Gjimnazistët dhe studentet e Elbasanit nisen drejt Tiranës. –

Studentët e Elbasanit kanë mbushur rrugët e qytetit. Ata janë mbledhur para universitetit “Aleksandër Xhuvani” me pankarta të shumta në duar dhe thirrje për qeverinë.

“Koha e maskarenjve”; “Baba 90, çuni 2018”, “Jo po portofoli, jo po kompetenca, jo po tremujori, jo po s’punon leva” dhe meme të tjera të kthyera në parulla, studentët kanë marshuar për plotësimin e kërkesave të tyre si ekonomike ashtu edhe për cilësinë e mësimdhënies.

Nga Elbasani gazetari Fatmir Popja raportoi për “BalkanWeb” se ka një fluks të madh gjimnazistësh dhe studentësh që po nisen drejt Tiranës, por mungojnë mjetet e transportit.

Në të gjitha rrethet e vendit ku ka Universitete është bojkotuar mësimi dhe studentët janë bashkuar lëvizjes së madhe.

Nga BallkanWeb.