5 Janar 2023

Një grua nga Virxhinia Perëndimore ka gjetur kuletën e saj të humbur prej kohësh në një vallëzim në shkollë gati 55 vjet më parë.

Sharon Day tha se ishte 16 vjeç kur humbi kuletën e saj në një vallëzim të shkollës së lartë Fayetteville në vitin 1968 dhe nuk priste kurrë ta gjente më.

Shkolla u mbyll në vitin 2019 dhe punëtorët e “New River Contracting” thanë se janë befasuar kur një kuletë ra nga disa kanale ndërsa po rinovonin ndërtesën për t’u bërë apartamente.

Bradley Scott, pronar i kompanisë kontraktuese, tha se kanali ishte mbyllur për dekada dhe përmbante disa sende të tjera të humbura prej kohësh.

“Kishte disa bileta të vjetra pranimi në një ndeshje boksi dhe disa gjëra të tjera, që të gjitha ranë nga atje kur ne e hapëm për herë të parë në 100 vjet”, tha Scott për WVVA-TV.

Scott përdori rrjetet sociale për të gjetur gjurmët e pronarit të kuletës.

“Me të gjitha fotot e kuletës dhe emrat në pjesën e pasme të fotove, me një kartë të sigurimeve shoqërore në të thashë me vete ‘mendoj se mund ta gjejmë në të vërtetë këtë person’”, u shpreh ai.

Scott e gjeti pronaren pas rreth një jave kërkimi në Facebook.