9 Maji 2024

Organizata e Kombeve të Bashkuara shprehu shqetësimin sot pas raportimit të dhjetëra rasteve të kolerës në Kenia, një vend i goditur nga shirat dhe përmbytjet me javë të tëra.

Sipas Organizatës Botërore të Shëndetësisë, 44 raste të kolerës janë regjistruar në Kenian lindore, një nga zonat më të goditura nga përmbytjet.

“Unë mendoj se së bashku me qeverinë, në bashkëpunim me partnerët kombëtarë dhe ndërkombëtarë, ne do të jemi në gjendje të frenojmë sëmundjen,” tha Koordinatori i Përhershëm i OKB-së në Kenia, Steven Jackson.

Kolera është një infeksion akut i zorrëve që përhapet përmes ushqimit dhe ujit të kontaminuar dhe zakonisht shkakton diarre të rënda, të vjella dhe ngërçe të muskujve. Mund të jetë veçanërisht e rrezikshme për fëmijët e vegjël.

“OBSH do të vazhdojë t’i përgjigjet urgjencës shëndetësore dhe mbetet vigjilente kundër shpërthimeve të sëmundjeve që mund të përhapen lehtësisht nëse nuk frenohen shpejt,” tha Abdulrahman Diallo, përfaqësuesi i OBSH-së në Kenia.

Përmbytjet në Kenia kanë shkaktuar 238 persona, sipas të dhënave të fundit zyrtare të publikuara nga mediat lokale, ndërsa më shumë se 200,000 njerëz kanë mbetur të pastrehë.