31 Janar 2023

NASA- Kozmosi vazhdon të mahnisë njerëzit.  Së fundmi me sytë nga qielli mund të shohim kometën e cila kaloi pranë Tokës 50 mijë vjet më parë, atëherë kur njerëzit ishin në epokën e Neandertalit.

Ashtu sikurse ishte paralajmëruar,qielli në 2023-shin ofron spektakël nga shiu i meteorëve, tek e ashtëquajtura kometë e Neandertalëve, që në 2 shkurt do t’i afrohet ndjeshëm Tokës.

E pamundur të thuhet nëse në atë moment ndonjëri prej tyre ka mundur ta admirojë atë me sy të lirë, por këtë hera do të jetë thuajse e pamundur të bëhet diçka e tillë, pasi sikurse thotë astronomia Elena Mazzotta Epifani e Institutit Kombëtar Italian të Astrofizikës (Inaf), kometa do të mund të shihet vetëm me dylbi, qoftë edhe nga zonat më të errëta.

Trajektorja e trupit qiellor të pagëzuar si ZTF (C/2022 E3), po ndiqet me kujdes observatorët e mëdhenj astronomikë të Hemisferës Veriore. Sipas ekspertëve, kometa e Neandertalëve mund të tregojë shumë mbi sistemin tonë diellor, mbi origjinën e tij dhe mënyrën sesi lindën sistemet planetare të ndryshme nga tonat.

Hëna duket do të prishë pak show-n kozmik, sepse drita e saj nuk do të lejojë që kalimi i kometës të shihet qartë. C/2022 E3 është një kometë shumë e lashtë, e cila vjen nga kufijtë e sistemit tonë planetar dhe e ka vizituar Tokën vetëm një herë më parë.