“Kur do të nisin të hetohen krimet e bëra gjatë pandemisë?”.  Mjeku i njohur shqiptar plas SKANDALIN: – KLSH sapo ka zbuluar majën e ajsbergut!

19 SHKURT 2022

170 milionë lekë të akorduara për të blerë respiratorë dhe pajisje të tjera jetëshpëtuese, rreth 160 milionë u përdorën për të paguar borxhe të prapambetura.

Mjeku Erion Dasho përmes një postimi në rrjetet sociale ka ngritur alarmin për krimet që janë bërë gjatë pandemisë. Ai shkaruan se Kontrolli i Lartë i Shtetit sapo ka zbuluar majën e ajsbergut të paaftësisë, shpërdorimeve dhe, ndoshta, edhe korrupsionit që ka karakterizuar përgjigjen e ministrisë së shëndetësisë kundër COVID 19.

Sipas KLSH-së, nga 170 milionë lekë të akorduara për të blerë respiratorë dhe pajisje të tjera jetëshpëtuese, rreth 160 milionë u përdorën për të paguar borxhe të prapambetura.

Postimi i plotë:

MAJA E AJSBERGUT

Kontrolli i Lartë i Shtetit sapo ka zbuluar majën e ajsbergut të paaftësisë, shpërdorimeve dhe, ndoshta, edhe korrupsionit që ka karakterizuar përgjigjen e ministrisë së shëndetësisë kundër COVID 19.

Sipas KLSH-së, nga 170 milionë lekë të akorduara për të blerë respiratorë dhe pajisje të tjera jetëshpëtuese, rreth 160 milionë u përdorën për të paguar borxhe të prapambetura.

Ata që punojnë në kompani furnizuese e dinë shumë mirë se sa herë ka shlyerje të borxheve të prapambetura, po aq herë ka gjasa që shuma të majme të lëvizin nën tryezë. Sa më i prapambetur borxhi, aq më i trashë zarfi!

Shqiptarët kanë të drejtë të pyesin:

A mos vallë klarinetistët dhe kimistët që drejtuan shëndetësinë shqiptare gjatë pandemisë, duke mos e patur idenë se çfarë ishin duke rrezikuar, e shfrytëzuan fondin e pandemisë për të bërë qoka të lëna pas dore për mungesë fondesh?!

A vdiqën 20 mijë shqiptarë për shkak se ata që duhet të kujdeseshin për shëndetin dhe jetën e qytetarëve, në fakt merakoseshin për xhepat dhe llogaritë bankare të ortakëve të tyre në biznese të dyshimta?!

Kur do të nisin të hetohen krimet e bëra gjatë pandemisë??!

Gazeta Sot