13 Shkurt 2025

Një i ri ka qëlluar me armë zjarri, mbrëmjen e së enjtes, në drejtim të patrullës së policisë.  Gazetari Igli Çelmeta raporton për Balkanweb se ngjarja ka ndodhur në afërsi të Rinasit.

“Policia e Tiranës kishte informacion për një person të armatosur në këtë zonë. Pas informacioneve në rrugë operative, efektivët e Tiranës organizuan operacionin për kapjen e tij. Në momentin që efektivët i janë afruar, i riu ka qëlluar me armë zjarri në drejtim të policisë duke u rrezikuar jetën.

Fatmirësisht nuk ka efektivë të lënduar. Pas kësaj policia ka arrestuar autorin. I riu i cili është arrestuar nga policia është person me precedent penal të mëparshëm”, raporton gazetari Igli Çelmeta.