Lefter Maliqi e lëshon gojën keq dhe bën paralajmërimin e fortë për kryeministrin Rama: Nuk do ketë tetanos që t’ju shpëtojë!

6 TETOR 2020.

Pas miratimit dje në Kuvend të ndryshimeve në Kodin Zgjedhor, deputetit Lefter Maliqi ka dalë më një reagim të fortë sulmues sot në rrjetet sociale ndaj kryeministrit Rama.

Teksa e lëshon gojën keq ndaj kryeministrit, Maliqi shkruan se dej u vërtetua deklarata e presidentit Meta se Kuvendi është i paligjshëm dhe duhet shpërndarë.

Postimi i plotë:

Qeni që leh, nuk të ha… po i vjen ngordhja!

Kryemafiozi lehi 2 orë në seancë plenare e jashtë saj, duke folur me gjuhën e bandave, të cilat i kanë hipur në qafë në 7 vite e gjysmë.

Për votimin e ‘Kodit Mafioz’, Kryemafiozi arriti të kapte e të nënshtronte disa cironka që aksidentalisht janë në Parlament, dhe i thonë vetes ‘Kap Ça të Kapësh’ (KÇK), se ky rast të erdhi vetëm një herë në jetë.

Kryemafiozi, i pashpresë, pavarësisht metodave mafioze e tinëzare që bën se i genjen mendja se do fitojë 25 Prillin, iu vërsul Presidentit me akuza bajate, kur është ai vetë, i cili ka 8 vjet që qeveris vendin, që ka të gjitha institucionet, pushtetin vendor etj.

Si mund të akuzohet dikush që nuk ka gjë në dorë o i ‘Marrë Fund’; akuzohesh vetëm ti o i Zi, sepse ti e ke qeverinë dhe çdo gjë tjetër të këtij vendi, FATKEQËSISHT.

Paturpësisht i the Presidentit se takohet me viktimat e OFL-së, kur je ti o Kryemafioz që e shpike OFL-në dhe je ti o Kryemafioz që harton listat me emrat që do dhe nuk do tu shkojë ai formular i shkretë.

KUSH duhet të akuzojë KË në këtë rast, o i ‘Sëmurë Mendor’.

PATURPËSISHT deklarove se je ti që vendos se kush do të jenë lojëtarët sulmues dhe kush ato rezervë; po kush je ti o Kryemafioz që të duket vetja pronar i Shqipërisë dhe Shqiptarëve.

Pse nuk i ktheve përgjigje deklaratave të Presidentit për ‘shokun tënd dhe të gjitha palaçollëqet që ke ‘underground’’, por nga frika se ti nxorri të palarat në shesh, u zbythe, dhe nise batutat, me të cilat kujton se do marrësh timonin tjetër, se ai i 2017-ës të ka mbetur në dorë, dhe me të po i bie tepsisë së 2013-ës.

Aktit tënd të fëlliqur, me të cilin bëre nul marrëveshjen konsensuale të 5 Qershorit, që u firmos në ‘Shtëpinë Amerikane’, iu përgjigjën të gjitha selitë diplomatike, duke ta përplasur shuplakën në të gjithë gjatësinë tënde o i ‘Marrë Fund’.

Opozita e Bashkuar PD-LSI, do të të kthejë mbrapshtë 1 milionë shuplakat e 2013-ës, pavarësisht shkopinjve që po mundohesh t’ju vendosësh nën rrota.

O Kryemafioz, që leh pa pushim për këdo, por nuk të kafshon dot, sepse në 25 Prill, ti do kafshosh veten dhe gjithë shpurën e Rilindjes tënde të kriminalizuar dhe korruptuar, dhe nuk do ketë tetanoz që t’ju shpëtojë.

Dje, doli fjala e Presidentit të Republikës që Parlamenti është i paligjshëm dhe duhet shpërndarë.

Gazeta Sot