Blogu i Udhëtarit Njoftime Shtypi Shoqerore

Lufta u kthye në Evropë! – Ukraina në flakë pas sulmeve të Rusisë

Kurt Farka on February 24, 2022

Lufta u kthye në Evropë!

Ukraina në flakë pas sulmeve të Rusisë

24 SHKURT 2022

Rusia ka nisur ditën e sotme një luftë të gjithanshme ndaj Ukrainës me sulme të njëkohshme që vijnë nga jugu, lindja dhe veriu, nga toka dhe nga ajri.

Lufta u kthye në Evropë!
Ukraina në flakë pas sulmeve të Rusisë

Raketat dhe bombat ranë nga qielli, tanket lëvizën përtej kufirit dhe trupat ranë me parashutë në rajonet lindore. Shpërthimet u panë në të gjithë vendin pasi presidenti rus, Vladimir Putin, dha urdhrin për të sulmuar.

“Daily Mail” shkruan se “qindra” trupa ukrainase u vranë në përleshjet e hershme dhe zyrtarët thanë se lufta erdhi tek ata në të gjitha frontet në një moment.

Shifrat zyrtare thonë se numri i të vdekurve është 40 dhe me “dhjetëra” të plagosur. Nga ana tjetër, gjashtë avionë rusë u qëlluan nga qielli mbi rajonin lindor të Donbasit me 50 trupa ruse të vrarë, pretendon Ukraina.

Rojet kufitare ukrainase thanë se ishin sulmuar nga artileri e rëndë, tanke dhe trupa nga Rusia dhe Bjellorurisa.

Ndërkohë mediat e huaja kanë publikuar foto e video, ku tregojnë njerëz të gjakosur, të frikësuar dhe të panikosur. Gjithashtu edhe imazhe se si Ukraina tashmë është në flakë.