2 Prill 2025

Avokati Ylli Manjani e cilëson Edi Ramën dhe qeverinë e tij, si përgjegjës për pastrimin e parave të drogës në Shqipëri.

Gjatë bisedës me Adi Krastën në ‘A Show’, Manjani u shpreh se, edhe lufta ndaj korrupsionit në Shqipëri është vetëm luftë për pushtet dhe nuk është fare luftë ndaj korrupsionit, por luftë e të fortit ndaj të dobëtit.

‘Dua të them që tregtia e drogës në Shqipëri, nga ana ime mbetet një akt i dënuar dhe i shëmtuar në ekstrem

Tregëtia ndërkombëtare e drogës, nuk e kanë shpikur shqiptarët

Nëse flasim për sasinë e parave të pastruara nga droga, po qeveria dhe Edi Rama janë përgjegjës. Por nëse flasim për përfshirjen e shqiptarëve në trafikun e drogës, qeveria shqiptare nuk ka çfarë tu bëjë.

Është një ekonomi e tërë që ekziston prej kohësh. Është një ekonomi e parregullt, e pandershme dhe e padrejtë.

Por që të presësh se këto defekte ti zgjidhë sistemi i drejtësisë, duhet të jesh po aq diktator sa diktatori. Kjo është ajo që ka kaq kohë që po them.

Nëse nuk ka një ndërgjegjësim, distancim kolektiv nga kjo situatë nuk ka çfarë ti bëjë drejtësia kësaj. Është si puna e luftës ndaj korrupsionit, që siç po e shohim ne ditë pas dite, të cilën kur e themi në shqip, quhemi ekstremist, të shitur dhe të blerë, por kur e thonë agjencitë e huaja se, lufta ndaj korrupsionit është betejë për pushtet, dhe nuk ka luftë kundër korrupsionit, por ka luftë ku i forti ja fut më të dobëtit, është luftë për pushtet, për para. Dhe korrupsioni po vazhdon’, tha ndër të tjera, Ylli Manjani