Më e keqja nuk ka ardhur ende, nesër dhe pasnesër, temperaturat minus 23 gradë, ja cilat janë qytetet që do ‘ngrijnë’

22 janar2022 15:15

Më e keqja nuk ka ardhur ende, nesër dhe pasnesër, temperaturat minus 23 gradë, ja cilat janë qytetet që do ‘ngrijnë’

I gjithë vendi është përfshirë nga një mot i ftohtë me temperatura që në pjesën më të madhe të Shqipërisë kanë zbritur nën zero.

Në Tiranë, temperaturat gjatë mesditës së të shtunës ishin 4-5 gradë Celsius megjithatë për shkak të erës dhe lagështirës ndjehet si 2-3 gradë Celsius.

Temperaturat më të ulta janë aktualisht në pjesën veriore, veri-lindore dhe jug-lindore të vendit, ndërsa situata pritet të përkeqësohet me kalimin e kohës edhe në pjesën qendrore dhe perëndimore të Shqipërisë.

Sipas Meteoalb, temperaturat do të ulen edhe më tepër gjatë ditës së nesërme dhe të hënën duke arritur në vende si Bulqiza apo Librazhdi në -20 deri -23 gradë Celsius.

Ndërkohë, gjatë të dielës, të hënës dhe të martës, kryeqyteti i Shqipërisë, Tirana do të përballet me temperature ekstreme si -5 deri -6 gradë Celsius.

Në këto kushte, autoritetet shtetërore kanë kërkuar nga qytetarët që të marrin masa sa i përket qarkullimit me kujdes dhe me zinxhirë në rrugë; të mos lëvizin pa patur një arsye të fortë; të kujdesen që të mos ngrijë tubacioni i ujit të pijshëm, etj.

Sa i përket makinave, kërkohet kontrolli i antifrizës si edhe i gomave për të lëvizur sa më sigurt në rrugë.

Gazeta Dita