10 Dhjetor 2023

Njerëzit e inceneratorëve kanë marrë 1 miliard euro nga xhepat e shqiptarëve të varfër dhe bizneseve private.

Miliona euro nga këto para të vjedhura nga taksapaguesit i janë dhënë mediave për propagandë.

Por njerëzit e inceneratorëve nuk abuzuan apo vodhën vetëm, ata kishin shërbëtorë edhe mediat.

CNA ka publikuar dhjetëra shkrime për këtë aferë, e cila është skema më e madhe korruptive dhe jo më kot është quajtur vjedhja e shekullit.

Përmes dhjetëra denoncimeve me fakte dhe dokumente, CNA ka treguar se tentakulat e korrupsionit shkojnë përtej zyrtarëve, ministrave, sekretarëve, drejtorëve që janë arrestuar deri më tani, shkojnë tek mediat, te televizonet.

Ndoshta Mireli & Co nuk i kishin parashikuar në biznes-plan, por llogaria del se rrugës paguan miliarda për mediat që të hyjnë në burg, se nuk shpëtuan dot me skenarët e tyre.

Po miliardat për mediat që janë paguar nga kompania e inceneratorëve ku janë?

Janë ende nën hetim dhe SPAK duhet të na tregojë ku shkuan ato para të grabitura te xhepat e shqiptarëve të varfër.

Janë me dhjetëra dhe me qindra emisione në “Top Channel”, në “Report TV”, në “News 24”, në “Fax News”, nëpër portale të ndryshme ku vendosej logoja e inceneratorëve për shuma të caktuara që paguheshin nga kompanitë.

Mediat i kanë justifikuar paratë si reklama, por fakti është që janë paguar nga inceneratorët jo për reklamë, por për luftë ndaj SPAK dhe prokurorëve që hetonin.

Jo vetëm kaq, por dhe kërcënime, shantazhe dhe veprime për të fshehur të vërtetën. Vepra penale të gjitha këto që po hetohen.

Le t’i marrim me radhë

“Top Channel” është njëra prej mediave që ka marrë miliona euro nga inceneratorët dhe gjatë kohës që pronarët e kësaj afere, siç e quan SPAK-u, janë në kërkim.

CNA ka denoncuar se, “Top Channel” dhe gjobaxhinjtë e saj, si në muajin gusht 2022 ka marrë 58 milionë e 565 mijë lekë të vjetër nga inceneratori i Tiranës.

Pagesat kanë vijuar në muajin shtator 2022, po këtë vit, ku janë dhënë 58 milionë e 565 mijë lekë të vjetër.

Miliona lekë kanë shkuar edhe për kompanitë e gazetarit Endrit Habilaj, kompanitë e të cilit kanë përfituar rreth 50 mijë euro.

VOX TV, “Infinit Communication”, dhe SH.Q.I.P, janë tre kompani që kanë administrator Endrit Habilaj.

Më të treja këto kompani Endrit Habilaj, ka marrë para në mënyrë të vazhdueshme nga pronarët e inceneratorëve Klodian Zoto dhe Mirel Mërtiri.

Kompania “Focus Group” e Irfan Hysenbelliut ka marrë gjithashtu miliona lekë nga inceneratorët.

Nga janari në korrik 2021, Irfan Hysenbelliu është paguar me gati 11 mijë euro në muaj ose 13 milionë lekë.

Edhe Baton Haxhiu me “Albanian Post”, është paguar nga inceneratorët.

Në listën e pagesave të inceneratorëve është edhe Carlo Bollino.

Për Baton Haxhiun dhe Carlo Bollinon më herët CNA publikoi dhe kontratat që tregonin se ishin paguar nga inceneratorët në vitin 2021, vit i cili përshkon me fushatën elektorale dhe zgjedhjet parlamentare.

Me dokumente, CNA tregoi se Carlo Bollino është paguar për një hapësirë publicitare sipas kontratës për jo pak, por përreth 12,720 euro për periudhën e saj.

Po ashtu publikoi dhe kontratën e Baton Haxhiut, i cili megjithëse zotëron një portal periferik, në 2021, Haxhiu merr një kontratë prej 4400 euro/muaj, e cila shkon 26.400 euro në 6 muaj.

Prandaj këto nuk janë para reklamash dhe marketingu, por para pazaresh me mediat me kompanitë e inceneratorëve, duke i përfituar në kurriz të taksapaguesve të varfër shqiptarë.

Njerëzit e inceneratorëve kanë paguar mediat, të cilat jo vetëm kanë mbuluar një megaaferë, por kanë bërtitur prej vitesh ditë e natë pro korrupsionit me plehrat, duke i shërbyer publikisht inceneratorëve.

CNA