Mini-Shengeni do quhet ‘Ballkan i hapur’. – Rama i kërkon Kosovës ‘ta harrojë të shkuarën’. – Hapur kundër Brukselit: ‘Përse të presim BE-në kur liritë mund t’i realizojmë së bashku?’

29 korrik 2021

Mini-Shengeni do quhet ‘Ballkan i hapur’. Rama i kërkon Kosovës ‘ta harrojë të shkuarën’. Hapur kundër Brukselit: ‘Përse të presim BE-në kur liritë mund t’i realizojmë së bashku?’

Emri i ri i Shengenit ballkanik do të jetë “Open Balkan” (Ballkan i hapur). Keshtu la të kuptohet kryeministri Edi Rama ne fjalen e tij në Forumin Ekonomik.

Ai ka theksuar edhe njëherë rëndësinë e nismës rajonale, si një parapërgatitje për anëtarësimin në BE.

“Kjo nismë është gjëja e duhur, jo vetëm gjëja e duhur por ndryshe nga çfarë predikojnë disa është e vonuar.

Ky rajon nuk mund të mbetet peng i së shkuarës në asnjë aspekt. Kush nuk e kupton se jemi të vegjël për të qëndruar të vetëm, për të krijuar ekonomi të fuqishme është i dënuar të jetojë në të kaluarën. Kjo nismë sjell një rajon një shembull kuptimplotë të BE-së duke jetësuar katër liritë themelore të BE” tha Rama.

Rama ka theksuar se është e habitshme për edhe reagimi i disa evropianeve në lidhje me nismë.

“Nëse duam të rrisim PBB, ne mund ta rrisim me 2.5 vetëm nga integrimi ekonomik, nëse në arrijmë të realizojmë planin e “Ballkanit të Hapur” ne mund ta rrisim atë në 6.7%”, tha Rama.

Kosova nuk e pranon këtë nismë, por Rama mendon se e shkuara duhet hedhur pas:

“Ne nuk duhet te jetojmë në të shkuarën por duam të projektohemi në të ardhmen, përmes një nisme që sjell në këtë rajon shembullin e Bashkimit Europian dhe 4 liritë themelore: Të lëvizjes së njerëzve, kapitaleve, mallrave dhe shërbimeve.

Përse duhet të presim ne të mbyllur brenda kufijtë tanë me kurriz nga njëri-tjetri siç kemi ndenjur 500 vite ndërkohë që integrimi evropian ka kohën dhe kufizimin e vet jo vetëm nga ç’bëjmë ne por edhe çmendojnë të tjerët”, tha ndër të tjera Kryeministri.

Gazeta Dita