“Nuk presim zgjidhje të shpejtë me ndërhyrjen e SHBA”- Zëdhënësi i Kremlinit: Aneksimi i territoreve të Ukrainës është i panegociueshëm
27 Shkurt 2025
Zëdhënësi i Kremlini, Dmitry Peskov, ka deklaruar se nuk pret vendime të lehta dhe të shpejta në marrëdhëniet e tij me Washingtonin, pavarësisht afrimit që po përshpejtohet prej dy javësh mes presidentit rus Vladimir Putin dhe presidentit amerikan Donald Trump.
“Askush nuk pret që zgjidhjet të jenë të lehta dhe të shpejta”, theksoi Peskov, ndërsa përshëndeti gatishmërinë e Presidentit Trump, siç tha ai, “për të dëgjuar të tjerët”.
“Është shumë e rëndësishme,” theksoi ai, ndërsa theksoi gjithashtu se një çështje e bashkëpunimit të mundshëm SHBA-Rusi do të ishte nxjerrja e burimeve në Arktik.
Kremlini gjithashtu këmbënguli se aneksimi i territoreve ukrainase që Rusia ka pushtuar është i panegociueshëm.
“Territoret që u bënë subjekt i Federatës Ruse janë të shënuara në Kushtetutën e vendit tonë, ato janë pjesë përbërëse e vendit tonë. Kjo është absolutisht e pamohueshme dhe e panegociueshme,” tha Peskov.