17 Janar 2025

Një zjarr ka përfshirë një banesë në katin e katërt të një pallati në lagjen “5 Maji” në Elbasan. Fatmirësisht, nuk raportohen persona të lënduar, por dëmet materiale janë të konsiderueshme.

Dyshohet se shkak i zjarrit ka qenë një pajisje për ngrohje, e cila është harruar ndezur. Autoritetet kanë nisur hetimet për të konfirmuar shkaqet e incidentit, ndërsa banorët e pallatit janë evakuuar për arsye sigurie.