3 Shkurt 2023

Pedagogu i shkencave politike në SHBA, Medlir Mema thotë se duke u bazuar në aktakuzën aemrikane, prokurori i çështjes së ish-zyrtarit të FBI-së, është shprehur i bindur se kryeminstri Edi Rama e ka korruptuar Charles McGonigal.

Në një intervistë televizive, Mema u shpreh se FBI mund të shkojë në zyrën e kryeministrit Rama për ta marrë në pyetje në lidhje me këtë çështje.

“Për zotin Rama, shqetësuese është se çfarë do të dalë në intervistimet e vazhdueshme. Deri më tani, prokurorisë i është dashur të bindë gjykatën dhe jurinë që ka mjaftueshëm evidencë për të filluar një proces gjyqësor të mirëfilltë. Gjatë procesit gjyqësor do të zhvillohen edhe hetime të mëtejshme, më të thelluara.

Jam i sigurt, në të ardhmen do kemi edhe FBI-në në zyrën e kryeministrit shqiptar për të marrë më shumë informacion në lidhje me këtë. Këtu hetimi është ndaj McGonigal, por është e qartë që për prokurorin, nuk ka asnjë pikëpyetje në aktakuzë, që zoti Rama ka vepruar në mënyrë korruptive me McGonigal”, theksoi ai.

Gayeta Sot