![](https://i1.wp.com/www.shqiperia.com/blog/wp-content/uploads/2023/09/640-0-ae5a3560928d6fc536ab95f6ff2918bb.jpg?fit=640%2C509&ssl=1)
Përkujtohet Koto Hoxhi, rilindas dhe një nga themeluesit e teatrit shqiptar
28 Shtator 2023
Muzeu Historik Kombëtar përkujtoi sot Koto Hoxhin (Kostandin Hoxhi, 1824-1895). Koto Hoxhi ishte veprimtar i shquar i Rilindjes Kombëtare, i arsimit e i kulturës shqiptare, Mësues i Popullit.
Lindi në Qestorat të Lunxhërisë (Gjirokastër), ku më pas punoi si mësues i shkollës së mesme në gjuhën greke, duke dhënë fshehurazi shqipen.
Më 1879 mori pjesë në komisionin e posaçëm të Komitetit të Stambollit, që u formua për shqyrtimin e çështjes së alfabetit, ku mbrojti variantin e hartuar nga Sami Frashëri, si dhe në botimin e “Alfabetares” së Stambollit.
Koto Hoxhi njihet gjithashtu si një nga themeluesit e teatrit shqiptar. Më 1874 organizoi shfaqjen e parë teatrale me subjekt nga dasma e Lunxhërisë, me trupën e nxënësve të shkollës normale “Ta Zografia” të Qestoratit.
Për veprimtarinë e tij patriotike u burgos dhe u përndoq nga qeveria osmane dhe kisha fanariote./ATSH
Nga OraNews