Portret:

HASAN ÇAPARI – MJESHTRI I HARMONISË SË NGJYRAVE

Nga Luan Rama

Ndër emrat e piktorëve shqiptarë që pavarësisht kohështrirjes së krijimtarisë në dy sisteme politikë, ia kanë dalë suksesshëm të ruajnë kohezionin e përjetimit artistik dhe materializimin e tij në veprën artistike, është padyshim edhe Hasan Çapari.

Pa cënuar karakterin dhe tipologjinë e krijimtarisë së vet, por edhe duke i përveçuar ato bindshëm dhe cilësisht në rritje, përmes një harmonizimi mjeshtëror dhe me shumë elegancë të ngjyrave, tablotë, peizazhet, por edhe portretet e tij të imponojnë një vëmendje të veçantë e të provokojnë, të joshin me një spontaneitet të habitshëm të gjesh në to një realizëm romantik si në poezitë e Naimit, e po aq, heraherës edhe një lloj impresionizmi që vjen natyrshëm në kohë e qëndron bukur.

Hasan Çapari

Hasan Çapari ka tonin e vet, të cilin duke e përdorur në funksion të mishërimit të idesë artistike që do të shprehë apo të theksojë, ia arrin të imponojë atë që do ai të ndjejmë kur ne shohim punët e tij.

Kjo padyshim që është një zotësi që jo çdo piktor di ta shfaqë.

Hasan Çapari

Unë kam fatin të kem në koleksionin tim privat disa punë të Hasan Çaparit, tre prej të cilave po i ndaj me ju, sepse në fund të fundit, vepra e çdo artisti e merr vlerën kur është në sytë e njerëzve.