Policia izraelite ka blinduar Jerusalemin në mes të frikës për trazira të dhunshme me palestinezët për shkak të një feste kombëtare për çlirimin e Jerusalemit lindor. Tensionet e para filluan kur një deputet vizitoi një lagje myslimanësh, të cilët u përgjigjën me gurë e fishekzjarrë.

Tre mijë policë izraelitë janë vendosur në të gjithë Jerusalemin, pasi trazirat rifilluan sërish të dielën.

Një ligjvënës i ekstremit të djathtë, i shoqëruar nga disa mbështetës ultranacionalistë kanë hyrë në Jerusalem në një lagje myslimanësh për një marshim për ditën kur Izraeli pushtoi Jerusalemin lindor në 1967-n gjatë luftës 6-ditore.

Kjo ka mjaftuar që palestinezët të hedhin gurë e fishekzjarrë kundër policisë izraelite.

Marshimi masiv ultranacionalist izraelit mbahet në lagjen myslimane në Qytetin e Vjetër të Jerusalemit.

Vitin e kaluar, ky marshim nxiti një luftë 11-ditore midis Izraelit dhe militantëve të Gazës.

Prag lufte në Jerusalem.

Hamasi u bëri thirrje palestinezëve që të mbrojnë vendet e tyre të shenjta, qoftë islame apo të krishtera.

Organizata u tha qytetarëve të tyre që të valëvisin kudo flamurin palestinez, për të theksuar identitetin arab.

Forcat e sigurisë janë në gatishmëri të lartë, si pasojë e rrezikut të sulmeve me raketa nga Gaza dhe Libani, apo edhe përleshjet e dhunshme fizike.

Tv Oranews