Prof. Aurel Plasari: – Teatrit Kombëtar mund të ngrihet njësoj siç ndodhi me Varshavën e rrënuar pas Luftës së Dytë Botërore.

20 maji 2020

Sipas tij, për këtë ndërtesë kanë folur ekspertët më të mirë përfshirë edhe Europa Nostra.

Plasari thotë se ndërtesën e shembi “turku”, duke nënkuptuar se këtë mund ta bënte vetëm një pushtues.

Pjesë nga deklaratat e Plasarit në Opinion:

Për këtë është shprehur Europa Nostra dhe ekspertët më të mirë se ndërtesa është e restaurueshme. Thonë se edhe mund të rindërtohet. Duke qenë se merrem me historinë, e shikoj ftohtë. Nëse qytetarët kanë sentimente, sigurisht që mund të ngrihet sepse është ringritur edhe Varshava.

Me sa mbaj mend mua, në ndërtesën e dytë është vendosur studioja e Artit Dramatik. Në vitet pak përpara u quajt Teatri Eksperimental.

Arkitektura zyrtare e qytetit tonë, unë kam lindur në Tiranë, është kryesisht italiane dhe nuk lidhet me pushtimin. Lidhen me marrëveshjet në 1925-1926. Pra këto vite ka filluar ky angazhim i arkitektëve dhe urbanistëve italianë. Janë angazhuar emra të famshëm në gjithë urbanistikën dhe arkitekturën e qendrës kryesore të Tiranës. Mendimi im personal ka qenë që të ruhej pavarësisht nëse do të shërbente si teatër apo jo.

Tirana ka pasur nevojë për teatër të ri. Jo për një, por për disa. Ashtu si Biblioteka Kombëtare ka qenë vetëm si bibliotekë për qytetin. Kjo ka bërë që të mos ketë bibliotekë qyteti. Është i vetmi qytet evropian që të mos ketë bibliotekë qyteti. Edhe salla konceretesh, Tirana ka nevojë për më shumë. Ne jemi një vend që edhe një sallë e organizuar mirë si Teatri i Estradës u zhduk.

Unë jam njeri që për të drejtën mund të vras me qetësi. E prishi turku, mbaroi, por mos të falsifikojnë historinë. Të thonë se kam nevojë, dua ta prish. Por, mos të më thonë se nuk ka një nevojtore dhe duhet të prishet. Komentonte njëri që nevojtorja kërkon nevojtore. Do humben edhe ndërtesa të tjera.

Gazeta Panorama