19 Shkurt 2024

Aktori Mehdi Malkja, ka folur sot në protestën e mbështetësve të ish-kryeministrit Sali Berisha, ku mes lotësh u ka bërë thirrje qytetarëve të bashkohen në protestën e thirrur nga opozita më 20 shkurt.

“Ne jemi tek çapa e bukës, këtu jemi katandisur”, u shpreh ai, ndërsa shtoi se njerëzit duhet të njerëzit bashkohen me zemër jo me fjalë.

Malkaj u ka bërë thirrje qytetarëve të bëhen bashkë për të protestuar më 20 shkurt në Tiranë, ndërsa tha se njerëzit bashkohen me zemër jo me fjalë.

“E dua shumë vendin tim se nuk kam ikur asnjëherë nga ky vend! Se teoria e qelbur që qarkullon se ky vend nuk bëhet, por vendi është i bërë more ne po e prishim”, tha Malkaj.

Pjesë nga fjala e tij:

“Doktor ne nga ana ime kemi një shprehje të urtë popullore: Nuk çan kokë rrapi se i bien gjethet. Tani që po vija dy persona po dialogonin dhe njëri tha, ‘Nuk më ngroh ky bashkimi’, unë nuk mund të rrija dhe i thash: “po mirë o po ndarja të ngroh ty’? Meqë jemi këtu, që të mos këtë nuk na ngroh kjo, deputetet duhet të vënë zemrën në tokë që të bashkohen bashkë.

Njerëzit bashkohen me zemër jo me fjalë. Edhe ai që dashuron, dashuron me zemër. Unë nuk kam qenë ndonjëherë anëtar i ndonjë partie, jam i ndeshmë shumë ndaj vendit tim, e dua shumë vendin tim. Se nuk ka ikur asnjëherë nga ky vend! (Përlotet) Se teoria e qelbur që qarkullon se ky vend nuk bëhet, por vendi është i bërë more ne po e prishim. Unë jam për zemrën, mos të mbajmë mërira. Ne duam dashuri për njëri-tjetrin, jemi pak për tu grindur.

Ne themi do vemi të hamë bukë, nuk themi do vemi të hamë darkë e drekë. Ne jemi tek çapa e bukës, këtu jemi katandisur. Jemi katandisur shumë mirë, tek buka. Po lërë edhe një muaj bukën se nuk vdes pa bukë, lëre dhe shko atje nga do që të jeni. Në datë 20 të tërë në protestë. Protestoni se nuk vdisni!”, u shpreh ai.

Gazeta Panorama