19 Janar 2025

Presidenti i Rusisë, Vladimir Putin, ka dërguar urimet e tij për presidentin e ardhshëm të SHBA, Donald Trump, në kuadër të ceremonisë së inaugurimit të tij.

Në një fjalim televiziv para Këshillit të Sigurisë Kombëtare, Putin gjithashtu ka pranuar ftesën e Trump për të rinisur kontaktet me Rusinë dhe ka komentuar deklaratat e mëparshme të presidentit të zgjedhur, i cili ka theksuar nevojën për të shmangur një Luftë të Tretë Botërore.

“Sigurisht, ne e mirëpresim këtë qasje,” tha Putin.

Udhëheqësi i Kremlinit shtoi se është i gatshëm të angazhohet në dialog me administratën Trump për situatën në Ukrainë, duke shprehur mendimin se aty nuk duhet të ketë një armëpushim të përkohshëm, por një paqe të qëndrueshme, të bazuar në respektimin e interesave të ligjshme të të gjithë popujve dhe shteteve që jetojnë në këtë rajon.

“Natyrisht, ne do të mbrojmë interesat e Rusisë,” theksoi Putin.