Qe te mos e shikoi Vucici – Statuja e Adem Jasharit në Elbasan u mbulua
Statuja e Adem Jasharit
Qe te mos e shikoi Vucici – Statuja e Adem Jasharit në Elbasan u mbulua
20 DHJETOR 2021
Deputeti i Partisë Demokratike, Luçiano Boçi deklaroi se shtatorja e Adem Jasharit në restorantin në Elbasan ku po mbahet darka zyrtare me udhëheqësit e nismës së Ballkanit të Hapur është mbuluar për të mos e parë Aleksandër Vuçiç.
“Tani sa po më njoftojnë se shtatorja e Adem Jasharit në Elbasan është mbuluar për të mos e parë Aleksandër Vuçiç”, tha Boçi në emisionin Politiko në Top News.
Boçi tha se informacioni duhet verifikuar, ndërsa deputeti tjetër, Arbi Agalliu tha se nëse kjo është e vërtetë është skandal.
Në Fish City ndodhen për darkën zyrtare Kryeministri Edi Rama, Presidenti serb, Aleksandër Vuçiç dhe Kryeministri i Maqedonisë së Veriut, Zoran Zaev. Në këtë darkë merr pjesë edhe Alex Soros.
Statuja e Adem Jasharit
Darka zyrtare i paraprin samitit për Ballkanin e Hapur, ku ditën e martë priten të nënshkruhen pesë marrëveshje.
Gazeta Shqip