Rama socialistëve: – Votoni vetëm listën time, mos u ngatërroni me kandidatët

– 20/04/21

– Çdokush e kupton sot deklaratën e tij në Elbasan, që votoni PS dhe jo Taulant Ballën.

– Kryetari i PS, Edi Rama u ka dhënë një porosi të fundit socialistëve gjatë një takimi në Elbasan. Ai u ka kërkuar që të votojnë vetëm subjektin, pra numrin 12 dhe të mos ngatërrohen me numrat e tjerë të kandidatëve, me pretekstin që të mos ketë probleme që e bëjnë votën të pavlefshme.

Por në thelb, mesazhi i Ramës ka të bëjë me atë, që të votohet lista e tij, të përzgjedhurit prej tij në zonën e sigurtë.

Kujtojmë se Edi Rama kur shpalli kandidatët, la shumë larg zonës së sigurtë emra të njohur të partisë, dhe la po ashtu në kufi dhe në rrezik, emra si Taulant Balla në Elbasan, duke e caktuar të tetin.

Çdokush e kupton sot deklaratën e tij në Elbasan, që votoni PS dhe jo Taulant Ballën.

Gazeta Mapo