Ramës nuk i mjafton mandati i tretë, përmend vitin 2029

– 31/10/20

Edi Ramës tashmë duket se nuk i mjafton edhe një mandat i tretë. Duke folur sot në Kukës, ai përmendi se ata janë më të mirët, dhe deri në vitin 2029 nuk sheh se, dikush tjetër mund ta drejtojë vendin si rilindja.

Jo vetëm mandatin e tretë, tha ai, po deri në vitin 2029, derisa të bëhen ata që po mbarojnë në Oksford dhe Kembrixh, nuk ka më të mirë se ne për këtë vend.

Në fushatën elektorale që tashmë ka nisur, Edi Rama dhe të tijtë po e theksojnë çdo ditë e më shumë nevojën që kanë për të marrë edhe një mandat.

Edhe pse nuk paraqesin bilanc, ide, vizion, program, apo alternativë, rilindasit e kërkojnë sërish pushtetin, sepse mendojnë se janë më të mirët.

Karikatura, Nga Bujar Kapexhiu

Por sot, shefi i tyre ka shkuar edhe më larg, duke pretenduar edhe një mandat të katërt.

Gazeta Mapo