![](https://i2.wp.com/www.shqiperia.com/blog/wp-content/uploads/2024/07/moti.jpg?fit=584%2C331&ssl=1)
Rikthehen sërish ditët e nxehta në vend, ja si parashikohet moti këtë fundjavë. – Temperatura deri në 38 °C!
6 Korrik 2024
Këtë fundjavë, vendi ynë do të ndikohet nga kushte të qëndrueshme atmosferike si rezultat i depërtimit gradual të masave ajrore të nxehta, për shkak të aktivitetit të Anticiklonit Afrikan mbi një pjesë të europës qendrore dhe kryesisht atë lindore – juglindore.
Sipas Shërbimit Meteorologjik Ushtarak, moti si për ditën e Shtunë ashtu dhe për ditën e Diel parashikohet i kthjellët në të gjithë territorin, si dhe vranësira të pakta kalimtare në relievet malore në lindje në orët e mesditës.
Era do të fryjë kryesisht e lehtë me drejtim veriperëndim – jugperëndim dhe shpejtësi mesatare 1-4 m/s ndërsa përgjatë vijës bregdetare hera-herës në mesditë dhe pasdite ajo fiton shpejtësi deri në 6 m/s.
Sa i përket temperaturave, vlerat maksimale do të arrijnë deri në 38 gradë Celcius në pjesën qendrore të vendit, kryesisht në Berat, Elbasan dhe Fier.