18 Shtator 2024

SHKODER

Ndonëse degët e mësuesisë janë shpallur prioritet kombëtar nga Ministria e Arsimit, vit pas viti numri i maturantëve që zgjedhin të studiojnë në këto degë është gjithnjë në rënie.

Rektori i këtij universiteti, Tonin Gjuraj bën me dije se në total në gjithë Fakultetin e Shkencave Shoqërore në Shkodër janë vetëm 12 maturantë të regjistruar, ndërsa thekson se të paktën për këtë vit akademik nuk do të ketë mbyllje të degëve të studimit.

Nga ana tjetër, Rektori i Universitetit “Luigj Gurakuqi” thekson nevojën e reformimit të këtyre degëve. Sipas regjistrimeve paraprake në këtë universitet, degët më të kërkuara nga maturantët janë ato të ekonomisë, drejtësisë dhe të mjekësisë