Sinjali i TV-së fiket por MEME-t e shqiptarëve ‘djegin’ rrjetin… dhe në rresht për të blerë dekodera. –

11/09/2018, 14:15

Një stuhi e vërtetë ka plasur në rrjet, pasi shqiptarët e gjetën veten papritur me ekranet e TV-ve në terr.

Pakënaqësi, revoltë, mallkime dhe sharje pa limit për qeverinë, që “ju a futi” kur nuk e kishin mendjen.

Facebook-u dhe Instagrami, gati janë bllokuar këto 24 orë nga statuset dhe memet e shqiptarëve të pakënaqur, nga ky “pisllëk i radhës” siç e cilësojnë ata veprimin më të fundit të qeverisë Rama dhe AMA-s, në favor të klientëve të saj.

Protestojnë “fortë” shqiptarët në rrjet, të thuash se ka ardhur fundi i botës, por në fund të gjithë kokulur me lekët e fundit, apo edhe të marra borxh, i sheh në radhë të gjata te dyqanet për të blerë me 2-3 fish më shtrenjtë kutinë e vogël plastike, që u mundëson kthimin e sinjalit te ekranet televizive.