![](https://i2.wp.com/www.shqiperia.com/blog/wp-content/uploads/2024/07/thryrujytkiyu-1.jpg?fit=658%2C500&ssl=1)
Situata e zjarreve në vend, cilat vatra janë ende aktive
26 Korrik 2024
Situata me zjarret në vendin tonë edhe këtë verë vijon të jetë problematike për disa zona. Mësohet se në qarkun e Shkodrës ka disa vatra aktive zjarri. Konkretisht aktiv vijon të jetë zjarri në Mal Kolaj dhe momentalisht është e izoluar dhe aktualisht rojet e ADZM janë vendosur në drejtimin të Rrjollit.
Sipas parashikimeve vatra e zjarrit pritet të riaktivizohet gjate ditës, për shkak të erës dhe temperaturës. Sakaq, në bashkinë Vau Dejes, vijon të jetë aktive vatra e zjarrit në fshatin Hoten dhe momentalisht nuk rrezikohen banesat. Gjate orëve të mëngjesit kanë punuar 12 efektivë zjarrfikës me pompa shpine. Nga strukturat e bashkisë Vau Dejës kërkohet mbështetje nga F.A të repartit nr. 1010 Vau Dejes.