Pjesa më e madhe e tregtarëve të Shqipërisë së Mesme, por dhe jugut bashkohen për të shitur, apo blerë ditën e enjte prej orës 05:00 të mëngjesit.

Vitrina e kafshëve të imta dhe gjedhëve është shumë e larmishme, pasi nga një vëzhgim i shpejtë arrin të kuptosh se i ke nga të gjitha llojet e racave, moshave dhe cilësive.

Ashtu si në rastin e tregut të Tapizës, edhe në Rrogozhinë një numër shumë i madh kafshësh nuk kanë matrikullim. Janë pa asnjë certifikim dhe nuk janë të regjistruara, duke u tregtuar në të zezë.

Edhe matrikulllimet e huaja konstatohen rëndom. Kryesisht, bien në sy matrikujt greke apo bullgare edhe në këtë treg kafshësh.

Grupi i Inside Story në terren u fut në bisedime për blerjen e një kafshe të futur si kontrabandë në vendin tone. Për ta vërtetuar që nga pika A deri në fund abuzimin që bëhet në raste të tilla.

Tregtari: E keni viç te mire, nëse doni ta merrni, bëjmë pazar

Bakia: Çfarë certifikimi ka? Pse nuk ka certifikim shqiptar?

Tregtari: Ia bëjmë te gjitha, i kemi gati, e zgjidh unë këtë pune. Për çfarë e do? Për mish, apo për ta rritur?

Bakia: Për mish.

Deri në këtë pike kuptojmë se tregtari nuk e ka për here të pare një lëvizje të tillë, madje është i sigurt se mund të bëjë çdo hap të nevojshëm për ta realizuar shitjen.

Në bisedën me tregtarin në fjalë kuptojmë se nuk është vetëm ai i përfshirë në shkeljet që bëhet në raste të tilla, por ka dhe bashkëpunëtor.

Tregtari: Nëse doni i bëj unë të gjitha gati, certifikatat, letrat dhe shkojmë ne thertore. Ju nuk duhet të mendoni për asgjë.

Nga Top Channel