Tension i lartë në Kosovë, mjetet ushtarake serbe në kufi, ja si Vladimir Putin po tenton të ndezë fitilin e konfliktit në Ballkan

29 MARS 2022

Tension i lartë në Kosovë, mjetet ushtarake serbe në kufi,

Pas luftës në Ukrainë, tensioni në Ballkan po rritet sërish.

Alarmin e kanë dhënë mediat italiane. Sipas, Ilgiornale, pak ditë para zgjedhjeve, të cilat duhet të mbahen më 3 prill, serbëve të Kosovës u mohohet vota dhe do të duhet të kthehen në vendin e tyre të origjinës për të shprehur preferencën e tyre. Ndërkohë tanket po kthehen në kufirin mes dy vendeve. Rusia vazhdon të tentojë shtrirjen e konfliktit në Ballkan, duke parë dhe deklaratat e fundit nga krerët e Moskës, të cilët vazhdojnë të tentojnë të ndezin fitilin e konfliktit në rajonin tonë. Në të vërtetë, Beogradi nuk e ka njohur kurrë pavarësinë e Kosovës, të cilën ende e konsideron si pjesë integrale të territorit të saj. E njëjta gjë vlen edhe për disa zona të shtetit të vogël që ende ndjehen të lidhura me Serbinë.

Nuk është rastësi që ditët e fundit disa njerëz nga Mitrovica e Kosovës, qytet në veri të vendit, dolën në rrugë për të protestuar kundër kryeministrit të Prishtinës Albin Kurti. Sipas një pjese të popullsisë vendase, kjo e fundit do të kishte kontribuar në përkeqësimin e marrëdhënieve mes dy kombeve që në fakt nuk kanë qenë kurrë miq. Kjo është arsyeja pse gjithnjë e më shumë janë shfaqur shenja të tilla si “ne besojmë vetëm në presidentin Vuçiç”, ose ” ju e keni shkatërruar marrëveshjen e Brukselit”, fitil që përfundoi duke ndezur zjarrin. Më pas, rasti i gjyqtarit serb, i cili largohet nga gjykata e Mitrovicës. Magjistrati u lirua nga posti i tij vetëm për shkak se ai mori pjesë në një delegacion politik, i konsideruar përgjegjës për një konfrontim me dyer të mbyllura me ekzekutivin e Beogradit. Vendim që nuk do të vlerësohej pikërisht nga qeveria kosovare që do të përfundonte, pra, duke e dërguar në shtëpi, duke shkaktuar shumë polemika.

Megjithatë vendosja e trupave serbe përgjatë kufirit vazhdon të alarmojë rajonin. Pamje që paraqesin automjete të rënda që shkojnë drejt kufirit sa vijnë e shtohen. “Ushtria organizon prej muajsh dhe shumë udhëtime, sidomos javën e fundit. Kjo është arsyeja pse e gjithë bota nuk mund të mbyllë më sytë dhe duhet të marrë masa menjëherë në mënyrë që të shmanget një tjetër konflikt i padobishëm. Duke marrë parasysh klimën parazgjedhore që mbretëron në të ashtuquajturat zona të kontestuara, asgjë nuk mjafton realisht për të nisur një luftë, e cila do të çonte sërish në vdekje dhe shkatërrim në këto gjerësi gjeografike. Ne po flasim gjithashtu për një realitet territorial ku kufijtë midis kombeve nuk janë ende plotësisht të qartë dhe ku popullatat me kultura dhe histori të ndryshme shpesh duhet të jetojnë së bashku”, përfundon Ilgiornale.

Rusia tenton shtrirjen e konfliktit në Ballkan

Krerët e Moskës po tentojnë të ndezin fitilin e konfliktit në rajonin tonë.

Ka qenë ministri i Jashtëm rus, Sergei Lavrov, i cili ka provokuar gjatë një deklarate të dhënë për mediat serbe. Ai e ka cilësuar Kosovën një shtet kriminal. Pasi Serbia u rreshtua hapur në krah të Vladimir Putin, po mundohet të sulmojë Kosovën përmes njerëzve të Moskës. “Sa i përket mbështetjes së Prishtinës për Kievin, bëhet fjalë që Prishtina të jetë pothuaj një shtet i vetëshpallur kriminal që dëshiron vetëm të përdorë situatën për të arritur njohjen e pothuajse pavarësisë së saj”, tha Lavrov ditën e djeshme. Ai vijoi duke thënë se Rusia e ka bërë të qartë qëndrimin e saj për papranueshmërinë e sjelljes së Prishtinës. “Qëndrimi ynë dihet, ne kemi paralajmëruar papranueshmërinë e inkurajimit të sjelljes së Prishtinës dhe kemi thënë që çështja të zgjidhet në vazhdën e Rezolutës 1244”, shtoi ai. Nga ana tjetër ai duket i bindur se “mercenarët” nga Kosova janë duke luftuar në Ukrainë. “Ne paralajmëruam kolegët perëndimorë se ambasadat ukrainase ofrojnë shërbime për dërgimin e mercenarëve në Ukrainë, duke shkelur kështu konventat ndërkombëtare dhe duke diskredituar statusin e misioneve diplomatike. Disa nga ata mercenarë dhanë deklarata në internet dhe është e qartë se ata do të luftojnë për para”, tha Lavrov.

Gazeta Sot