28 Shkurt 2028

“Trokitja në derën e vdekjes” (Bussando alla porta dell’eternità), një kryevepër e realizuar nga Giovanni Battista Cevasco. Ajo ndodhet në Varrezat Monumentale të Staglieno-s, në Xhenovë, Itali.

Në këtë vepër arti prekëse të krijuar në vitin 1875 nga xhenovezi i artit natyralist, Giovanni Battista Cevasco, përcillet një e ve që është duke trokitur drojshëm në derën e vdekjes.

Shprehja e saj delikate dhe qëndrimi i përkulur reflektojnë një ndjenjë përulësie dhe pritjeje, duke përfaqësuar shpirtin që kërkon të hyjë në përjetësi.

“Trokitja në derën e vdekjes”.

Gruaja me njërën dorë troket, ndërsa në tjetrën ajo mban një kurorë fitoreje. Kurora simbolizon triumfin mbi vdekjen, duke përfaqësuar ringjalljen dhe përtëritjen.

Dera e rëndë simbolizon kufirin mes jetës dhe vdekjes, ndërsa veshja e detajuar dhe qëndrimi dramatik i gruas theksojnë ndjesinë e një udhëtimi shpirtëror.

Kjo skulpturë është një nga më të bukurat dhe më prekëset në Staglieno, një varrezë e njohur për monumentet e saj artistike të periudhës së realizmit dhe simbolizmit funerary. Mesazhi që ajo përcjell është universal: një reflektim mbi jetën, vdekjen dhe kalimin në një ekzistencë tjetër.

Trokitja në derën e vdekjes, përcjell në vetvete gjithashtu një gjëndje makthi dhe frike, zhgënjimi dhe disfatizmi. Logjika racionale e drithëron perceptimin, por mesazhi alegorik e thellon përjetimin dhe mendimit i jep dimension shqyrtues.

E veja në skulpturë identifikohet si gruaja e Pietro Badaracco, një person i pasur, siç tregohet nga veshja e saj. Mbi derë përshkruhen simbole të ndryshme, duke përfshirë një busull, një spirancë, libra, një glob dhe një timon anijeje, duke aluduar në profesionin e të ndjerit si kapiten i një anijeje ose flota detare. Vetë trokitësi i derës mban një orë rëre me krahë, që simbolizon natyrën kalimtare të kohës.

Giovanni Battista Cevasco (Xhenova, 1817– Genova, 12 janar 1891) ishte një skulptor italian eksponent i shkollës natyraliste, aktiv mbi të gjitha në qytetin e tij të lindjes, autor i monumenteve publike, statujave dhe busteve të njerëzve të shquar dhe monumenteve funerale.