Ura e Kurçajt në Krujë drejt shkatërrimit, asnjë përkujdesje për monumentin kulturor

Ura mbi lumin Zezë të fshatit Kurçaj edhe pse është monument kulture ajo po shkon drejt shkatërrimit total. Shirat e rrëmbyeshëm dhe mungesa e përkujdesjes ka bërë që ajo të degradohet totalisht.

Redaksia 22 Qershor, 22:38 | Përditesimi i fundit: 22 Qershor, 23:02

Është monument Kulture, por mungesa e vëmendjes nga ana e shtetit ka bërë që ura, e cila ndodhet mbi lumin Zezës, në fshatin Kurçaj të Krujës të shkojë drejt degradimit total. I përket shekullit XVIII dhe ka një pamje mjaft të bukur, por për shkak të lënies në harresë ura tashmë është e pakalueshme.

Shirat e kohëve të fundit kanë bërë që pjesët, të cilat lidhen me brigjet e lumit, të jenë të shkëputura tërësisht. Banorët dhe historianë të zonës thonë se shpesh janë ankuar për gjendjen në të cilën ndodhet ura, por deri tani asnjë nga përfaqësuesit e monumenteve të kulturës nuk ka denjuar për të parë nga afër situatën në të cilën ndodhet ky objekt, monument kulture i kategorisë së parë.

Duke parë gjendjen në të cilën ndodhet një monument kulture i kategorisë së parë kërkohen një ndërhyrje emergjente, në të kundërt ura e Kurçajës mbi lumin Zerzë rrezikon të zhduket nga harta e monumteve me vlera të veçanta historike.