19 Shtator 2024

Kryebashkiaku Erion Veliaj nuk lë rehat dhe të vdekurit.

Policia e Bashkisë Tiranë ka filluar të vendosë gjoba për të gjitha makinat e ndaluara me bllokazh para selisë së PD-së, anës rrugës.

Mjetet e parkuara ishin për kortezhin e varrimit të ish-deputetit të PD-së, Gerti Bogdani.

Edhe në këtë ditë, ku duhet të tregohej solidarizimi dhe humanizmi, Veliaj zgjedh të nxjerrë “ushtarët e tij” për të vendosur gjoba.

Sot e gjithë politika nderoi kujtimin e ish-deputetit të PD-së, Gerti Bogdanin, dhe i dhanë lamtumirën e fundit përmes homazheve që po zhvillohen në sallën e Kuvendit.

Gerti Bogdani humbi jetën në moshën 44-vjeçare pas një arresti kardiak.

Homazhet vijojnë ende ku e gjithë politika ka nderuar kujtimin e Gerti Bogdanit, ndërsa Veliaj nxjerr vartësit e tij për të bërë kërdinë me gjobat./ CNA

Nga OraNews