Zbulohet në Tanzani rrëshqitja gjigante e tokës që daton miliona vjet më parë

Në ishullin e Mafias në Tanzani është identifikuar një rrëshqitje gjigante e dheut, që daton miliona vjet më parë. Dhe kjo është arsyeja pse duhet të monitorohet.

Miliona vjet më parë në Afrikë një seri tërmetesh dhe lëvizjesh të kontinentit shkaktuan rrëshqitje gjigande nënujore në brigjet lindore. Kjo u deklarua nga një studim, i botuar në Nature Communications nga Vittorio Maselli i Universitetit të Kanadasë, i cili gjithashtu paralajmëron për mundësinë e tsunamit në të ardhmen që mund të prekë zonën, e cila tani është dendësisht e populluar.

Një rrëshqitje gjigante e tokës. Kërkimi eksploroi skajet kontinentale të Tanzanisë perëndimore për të studiuar depozitat e rrëshqitjeve nënujore që u formuan 40 milion vjet më parë.

«Ne kemi zbuluar, se në këtë periudhë kohore ka pasur një numër të madh të rrëshqitjeve nënujore, disa prej tyre deri në qindra kilometra të gjata. Midis këtyre rrëshqitjeve ekziston edhe ajo që ne e kemi quajtur “mega-rrëshqitje e Mafia Island”, një nga rrëshqitjet më të mëdha, nëse jo më e madhja e njohur në Tokë. Kjo ndodhi rreth 20 milionë vjet më parë dhe përfshin një sipërfaqe prej rreth 11,600 kilometrash katrorë. Ishulli Mafia është një nga ishujt kryesorë të Tanzanisë, së bashku me Pemba dhe Zanzibar”-shpjegon Maselli.

Zbulohet në Tanzani rrëshqitja gjigante e tokës që daton miliona vjet më parë

Studimi bëri të mundur të kuptojmë se si këto rrëshqitje të tokës lidhen me hapjen e Luginës së Riftit, përthyerja e gjatë që po ndan Afrikën në dy dhe që zbret nga Deti i Kuq në Afrikën e Jugut. Zona është akoma shumë aktive, siç konfirmohet nga tërmetet e regjistruara në Oqeanin Indian dhe në kontinent në dekadat e fundit.

Sytë nga e ardhmja. Kjo do të thotë që rrëshqitje të tokës me këtë madhësi mund të ndodhin akoma dhe për pasojë ekziston mundësia e tsunamit katastrofik, të cilat në këtë rast janë shumë të vështira për t’u parashikuar. Sidoqoftë, ky studim nuk u jep përgjigje shumë pyetjeve të ngritura nga zbulimi, si ato në lidhje me mekanizmin që aktivizon rrëshqitjet e tokës dhe madhësinë e tyre.

Përgjigjet mund të ndihmojnë në identifikimin e zonave më të rrezikuara dhe verifikimin e pranisë ose mungesës së popullatave. “Studimi ynë është vetëm në fillim”, përfundon Maselli.

“Qëllimi ynë i ardhshëm do të jetë të kuptojmë se si u shkaktuan rrëshqitjet e tokës dhe si ato ndryshuan peizazhin nënujor dhe ndoshta edhe atë sipërfaqësor, të prekur nga cunamët që pasuan”.

(Kosova Sot Online)