![](https://i1.wp.com/www.shqiperia.com/blog/wp-content/uploads/2024/07/13_07_2017_8448254_zjarr_pylli.jpg?fit=577%2C350&ssl=1)
Zjarre masive në Lurë, digjen 10 hektarë pyje, autoritetet vendore kërkojnë ndihmë nga ajri
12 Korrik 2024
Që nga dita e djeshme, kurora e Lurës afër liqeneve është përfshirë nga flakët.
Për pasojë janë djegur 10 hektar pisha dhe kullota.
Gazetari Enver Doçi raporton se punonjësit e bashkisë së Dibrës dhe banorë të zonës janë nisur për të ndihmuar në shuarjen e zjarrit, por është e pamundur për ta izoluar, pasi flakët janë përhapur në përmasa të mëdha dhe terreni është shumë i vështirë. Kjo e bën të pamundur neutralizimin e flakëve.
Përfaqësues të pushtetit vendor kërkojnë ndihmë nga ajri, pasi flakët kanë marrë përmasa të mëdha edhe po ndihmohet nga era.
Mësohet se edhe forcat e ushtrisë janë nisur për të ndihmuar në shuarjen e zjarrit.