UEFA ka vendosur që lojtarëve të katër skuadrave gjysmëfinaliste në Euro 2016 t'u mohohet mundësia që të marrin në fushën e lojës fëmijët e tyre pas ndeshjeve, siç kanë bërë deri tani.
Vendimi absurd është shpjeguar nga drejtuesit e UEFA-s si një sinjal serioziteti i turneut, duke e motivuar edhe me çështjet e sigurisë.
"Ky është një Kampionat Europian, nuk është një festë me familjen", tha drejtori i turneut, Martin Kalen, duke kujtuar se si fusha ishte mbushur me fëmijë pas fitores së Uellsit me Belgjikën.
"Pastaj ky nuk është vendi më i sigurt për fëmijët, për sa kohë që ka tifozë të cilët herë pas here kalojnë rrethimin. Janë momente të bukura për foto, por duhet gjithmonë kujdes", tha ai.
