Ora biollogjike e burrit rreh

Gjasat e meshkujve për të pasur fëmijë pakësohen pas mbushjen së 35 vjeçëve, kjo sipas studimeve të fundit.

Studiuesit, nga Universitit i Washington'it (Uashingtonit) në Seattle (Sietëll), kanë zbuluar se shkalla e dëmtimit të materialit gjenetik që përfshin qelizat e spermës rritet me moshën.

Ndryshe nga pjesa më e madhe e qelizave të trupit, qelizat e spermës janë të pazonja të ndreqin këtë dëmtim.

Më tej, studiuesit zbuluan se ndërsa burri moshohet ai humb aftësinë natyrore të përzgjedhë tutje qelizat e pashëndetshme pëgjatë procesit të apoptozës.

Kjo do të thotë se qelizave të dëmtuara të spermave u rriten gjasat për të arritur të mbarësojnë vezën e femrës, që nga ana tjetër do të thotë se edhe rreziku që fëmija të dështojë rritet, apo që fëmija të zhvillojë të meta të vogla si dhëmbë që nuk rriten njësoj apo buzë josimetrike.

Grupi i studiuesve që kishte për udhëheqëse Dr Narenda Singh hetoi cilësinë e spermës në 60 burra të moshave midis 22 dhe 60 vjeç. Të gjithë kishin pasur dikur sperma të shëndetshme.

Studiuesit zbuluan se burrat 35 vjeçarë e sipër kishin një përqëndrim më të lartë spermash me fille të prishura të DNA-së.

Në përgjithësi, sperma e burrave të vjetër ishte më pak aktive pra ata kishin më pak gjasa të mbarësonin vezën.

Është e njohur se pasja e një mënyre të shëndetshme jetese mund të sjellë një ndikim pozitiv në pjellshmërinë e burrave.