Zbulohet një teatër i lashtë

Një ekip arkeologësh të Universitetit të Bolonjës ka zbuluar në Shqipërinë e Jugut murin perimetrik të një teatri të lashtë ndërsa ishte në kërkim të mbetjeve nga qyteti i Finiqit, pranë Sarandës. Zbulim mbahet me vlera të mëdha
historike.
Fushata e gërmimeve që çoi në këtë zbulim është e financuar prej tre vjetësh nga Ministria Italiane e Punëve të Jashtme dhe është pjesë e një projekti kompleks në ndihmë të zbulimit dhe rivlerësimit të kulturës shqiptare.
Deri tani është zbuluar muri i jashtëm i teatrit, që u jep shpresa arkeologëve të mund të arrijnë të zbulojnë edhe orkestrën dhe shkallët e platesë.
"Kompleksi arketektonik të befason dhe të magjeps për nga rëndësia dhe përmasat" ka pohuar profesor De Maria, që udhëheq fushatën e gërmimeve së bashku me profesore Shpresa Gjoncecaj, përgjegjëse e Institutit Arkeologjik
shqiptar.
Teatri ka një diametër prej 100 metrash duke zënë vend midis një kodre dhe liqenit të Butrintit që ndodhet aty pranë.
Finiqi ka qenë kryeqendra e rajonit të lashtë të Kanoiës, qendër kulturore veçanërisht e zhvilluar në periudhën helenike, romake, dhe së fundi bizantine.
Ne këtë kompleks gjendet edhe një tempull, një qendër termale, banesa private dhe një varrezë.
Midis zbulimeve të tjera të vlefshme të kryera në zonë, disa pllaka me mbishkrime greke të shekullit IV dhe III p.e.s.
Zona është shpallur 'e mbrojtur' nga Instituti për Monumentet dhe Kulturën në Tiranë.
Më datë 11 nëntor do të mbahet në Universitetin e Gjirokastrës seminari i tretë i organizuar nga ambasada italiane në Tiranë, në bashkëpunim me Ministrinë Shqiptare të Kulturës dhe të Shkencave, pikërisht mbi temën e
bashkëpunimit të të dy vendeve në fushën arkeologjike.